പ്രിയപ്പെട്ടവളോട്
-------------------------


ഭാസുര ചന്ദ്രകലാശകലം പോൽ 

ശോഭിതഫാലകമധ്യത്തിൽ 

മോഹനചന്ദനമണിയും സുരഭില ശാരദ, 

നീയൊരു മണവാട്ടി ഓരോ 

തവണയുമച്ചൊടിയിണകൾ, 

തീരാമോഹതരംഗിണികൾ, 

ഏതോ നീലോല്പലമഞ്ജരിപോൽ

 പൂതാനന്ദവിലാസിതമിഴികൾ വാക്കാൽ, 

നോക്കാൽ, തിരതല്ലും ചുടു- 

ചുംബനമധുരസുധാസുഖമോടെ, 

ചേക്കേറുക പൊൻപക്ഷീ നീയെൻ 

പാട്ടുകളുതിരും നെഞ്ചിൻ കൂട്ടിൽ 

 ഇരുളിന്റെ കമ്പളം മാറിമാറിപ്പുത- 

ച്ചിരുനഗ്നദേഹങ്ങളായി നമ്മൾ രതിതൻ

 വിശുദ്ധിയെപ്പുല്കുവാൻ വെമ്പുന്ന

 കമിതാക്കളാവുമീ രാത്രിതന്നിൽ 

പുലരുംവരെ നിന്റെ മന്ദസ്മിതത്തിലെ 

നറുമുല്ലപ്പൂവുകളെന്റെ മാത്രം